Ипатьевская летопись:

Рюрикови . ѡ смр҃ти Романовѣ Г. и печални бъıвше. и плакашасѧ по немь аки по ѡц҃и . бѣ бо ихъ старѣи ❙ Ст҃ослав же . совк̑оупивсѧ . с братьєю своєю . и с Половци . и рече Ст҃ославъ братьи своєи . се азъ старѣе . Ӕрослава . а тъı Игорю Д старѣє . Всеволода . а нъıнѣ ӕ вамъ во ѡц҃ѧ мѣсто ѡсталсѧ . а велю тобѣ Игорю сдѣ ѡстати съ Ӕрославомъ . блюсти Чернигова. и всеѣ волости своєи. а ӕ поидоу съ Всеволодомъ Ж . к Соуждалю . и възищю н҃а своєго Глѣба . да како намъ Бъ҃ расоудить . со Всеволодом̑ . и раздѣливсѧ на двоє с братьєю . и поиде к Соуждалю . поӕ же съ собою Ӕрополка Ростиславича З . и Половцѣ . тако же роздѣли на двоє . половиноу ихъ собою И поӕ . а половиноу ихъ . ѡстави братьи . Ст҃ослав же и снѧсѧ на поути сн҃мъ Володимеромъ . и со всимъ полкомъ Новгородьцким̑ І. бѣ бо . сн҃ъ єго Володимѣръ кнѧжа . в Новѣгородѣ Велицемь К . и вониде в землю Соуждальскоую и въıиде противоу ємоу Всеволодъ . со всими Соуждальскими полкъı . и с Рѧзѧньскими полкъı и Моуромьскими . и оустрѣте и на Вл̑ени Л рѣцѣ . и сташа ѡба полъı рѣкъı Вленъı . в҃ . недѣли бьӕхоутьс̑ . ѡбои ѡб рѣкоу тоу . бѣ бо рѣка та твердо текоущи . бережиста. Соуждалци А же . стоӕхоу на горах̑ . во ропастехъ . и ломох̑ . ако же нѣлзи ихъ доити полком̑ . Ст҃ославлимъ . Всеволожа дроужина хотѧхоуть єхати крѣпько на Ст҃ослава . Всеволодъ же бл҃госердъ съıи не хотѧ . кровопролитьӕ и не ѣха на нь . и посла Всеволодъ Рѧзѧньскии кнѧзи . и вогнаша в товаръı Ст҃ославлѣ. п потопташа ѣ. а инѣхъ изоимаша . а дроугиӕ исѣкоша. и тако въ борзѣ доспѣша . в полкоу Ст҃ославлѣ. и Всеволодъ Ст҃ославлıчь. [II, 124] в борзѣ пригнавъ к Рүскимъ Бполкомъ . и своимъ полкомъ . и тако Рѧзаньскии кнѧзи оутекоша . а дроугъıхъ изоимаша . а дроугъıӕ избиша . и тоу ӕша Ивора Мирославича . Ст҃ослав же посла попа своӕ. ко Всеволодоу . река брате и сн҃оу . много ти єсмь добра творилъ . ине чаӕлъ єсмь . сѧкого возмедьѧ В ѿ тебе . но же есн оумъıслилъ на мѧ зло . и ӕлъ сн҃а моєго . да не далече ти мене искати . ѿстоупи дале ѿ рѣчкъı тоѣ даи ми поуть . ать ближе к тобѣ переєдоу . ать нас̑ . росоудить Бъ҃ . мнѣ ли поути не даси а ӕзъ тобѣ дамъ . ты переєди на сю стороноу . а сде насъ Бъ҃ . росоудить Всеволодъ же изоимавъ Г тъı послъı . посла Володимѣрю. а къ Ст҃ославоу не ѿвѣча. Ст҃ослав же ждавъ многъı дн҃и . оублюдъсѧ теплъıни. поиде в борзѣ . Всеволо же посла во станъı єго . и много взѧша . а по самомь . не вѣлѣ Д гонити . Ст҃ослав же идѧ и землѣ Соуждалькоиѣ В. пожьже городъ Дмитровъ . въıшедшю Е же ємоу и Соуждальс̑кои земьлѣ . и поусти брата своєго Всеволода . и Ѡлга сн҃а своєго . и Ӕрополка в Роусь . а самъ сн҃мъ с Володимѣромъ поиде Новоугородоу Великомоу . сдоумав же Ӕрославъ съ Игоремь . поидоста . къ Дрьютьскоу . поємше с собою Половцѣ. а Всеволода Игорева брата . ѡставиша в Ж Черниговѣ. и Ѡлга Ст҃ославича . и придоша Полотьскии кнѧзи . въ стретениє помагающе Ст҃ославоу З. Василковича . Брѧчьславъ. изъ Витебьска . братъ єго Всеславъ с Полочанъı . с ними же бѧхоуть и Либь . и Литва Всеславъ Микоуличь . из Логажеска В. Андрѣи Володьшичь. и сн҃овець єго Изѧславъ . и Василко Брѧцьславичь. снемшесѧ вси поидоша мимо Дрьютьскъ. противоу Ст҃ославоу и въѣха Дв҃дъ кн҃зь Смоленьскии. въ Дрьютьскъ о всим̑ полкомъ своимъ . совокоупис̑всѧ В с Глѣбомъ . съ Рогъволодичемь . и поиде за Ӕрослава . и хотѧшеть Дв҃дъ Ӕрославоу Игореви полкъ дати до Ст҃ослава . Ӕрослав же Игорь. не смѣӕста дати полкоу и Дв҃дви Ж . безъ Ст҃ослава ино доша . во твердаӕ мѣста и стоӕша межи собою недѣлю ѡбаполъ Дрьюти . но ѿ Дв҃два полкоу приѣждивахоуть стрѣлци А. и бьютьсѧ Б с ними крѣпко по сем же Ст҃ославъ приѣха с Новгородьци А . и ради бъıша емоу братьӕ єго. и перегатиша Дрьють . отѧче єхати ко Двд҃ви Дв҃дъ же заложисѧ ночью и бѣжа Смоленьскоу . Ст҃ославъ же прıстоупи ко Дрьютьскоу. и пожьже ѡстрогъ . и ѿтолѣ поусти Новгородьцѣ. а самъ поиде к Рогачевоу . из Рогачева поѣха по Днепрю. къ Къıєвоу.Игорь же има с собою Половцѣ . Коньчака В и Кобѧка . и дождасѧ Ст҃ослава противоу Въıшегородоу . то же слъıшавъ . Рюрикъ . и ѣха въ Бѣлъгородъ