Русская летопись:

В лѣт̑ . ҂s҃ . х҃ . ѯ҃s ❙— [6666 (1158)] Заложи Андрѣи кнѧзь в Володимери цр҃квь камену ст҃ую Бц҃ю . мс̑цѧ . априлѧ . въ . и҃ . в дн҃ь ст҃аго апс̑ла Родиѡна . во вторник̑ . и да єи много имѣньӕ . и свободъı купленъıӕ . и з даньми . и села лѣпшаӕ . и десѧтинъı в стадѣхъ своихъ . и торгъ . десѧтъıи . и городъ заложи болии . Том же лѣт̑ . приде Леѡнъ на єпс̑пью . Ростову. На ту же зиму . въıгна Изѧслава Двд҃вича ис Къıєва . Мстиславъ Изѧславичь . а сам̑ сѣде Къıєвѣ. а Изѧславъ бѣжа в Гомъи . и ѿтолѣ прогнаша и в Вѧтичѣ . Тоє же веснъı вда Мьстиславъ Ростиславу Къıѥвъ подъ собою . а сам̑ иде Володимерю