Сегодня и вчера

Лицевой летописный свод Ивана Грозного. Русь (1122 - 1181 гг. от. В.Х.) Факсимильное издание. — М., 2014.

По преставлении же великаго князя Киевскаго Святополка Изяславичя вниде Володимер Манамах Всеволож, внук Ярославль, правнук великого Владимера, в Киев, иприяша его кияне с великою честию. И в неделю сяде на великом княжении, на столе отца своего Всеволода, в Киеве, месяца марта в 20день, и людие возрадовашася, а мятежь улеже. Того же лета начя Владимер советовати с бояры своими, хотя ити на Царьград; отвещаша ему боляре его: «Сердце царево в Божиеи руце, а мы есмя в твоеи руце». И князь велики съвокупив воиско, отпущаше воевод своих на Фракию Царяграда, и плениша ю доволно и възвратишася здрави въ своя си. Тогда же бе во Цариграде царь Костянтин Манамах, а вто время имея брань с пръсы, с латынею; И посла царь Констянтин к великому князю Владимеру Неофита, митрополита Ефесскаго, и с ним два епископа Митилинска и Митилииска, и стратига Антиохииска, и агустолиа Александрииска, игемона Иерусалимска Еустафя, и посылает с ними к великому князю крест от животворящаго древа, и с нем от своеа главы венец царскии, иже именуеться Манамахова шапка, и крабицу сердоликову, из нея же Август, царь Римскии, веселяшеся, и чепи златыа и иные многие царьские дары. И приде Неофит митрополит и с епископы к великому князю Владимеру, и нача молити от царя великого князя: «Просит царь от твоего благородия мира и любве, да церкви Божиа без мятежа будут и все православие впокои пребудет, под сущею властию нашего царства и твоего великого самодръжавства Великиа Руси, Да нарицаешися отселе боговенчанныи царь». Венчан сим царьским венцом рукою святеишаго митрополита кир Неофита и с епископы, и оттого времене князь велики Владимер Всеволодичь наречен Манамах и царь Великиа Русиа, И пребысть с царем Константином прочая времена в мире и любве; и оттоле тем царьским венцом венчаються вси великие князи Владимерские, егда ставяться на великое княжение.